2 Corinthians 2
1ខ្ញុំសម្រេចចិត្ដដូច្នេះថាខ្ញុំមិនមកជួបអ្នករាល់គ្នាទាំងមានការព្រួយចិត្ដទៀតឡើយ 2បើខ្ញុំធ្វើឲ្យអ្នករាល់គ្នាព្រួយតើមានអ្នកណាធ្វើឲ្យខ្ញុំអរសប្បាយបានក្រៅពីអ្នកដែលខ្ញុំធ្វើឲ្យព្រួយប៉ុណ្ណោះ 3ដូច្នេះខ្ញុំបានសរសេរសេចក្ដីនេះដើម្បីកុំឲ្យខ្ញុំមានការព្រួយចិត្ដដោយសារអស់អ្នកដែលគួរធ្វើឲ្យខ្ញុំត្រេកអរនៅពេលខ្ញុំមកដល់។ ខ្ញុំជឿជាក់ចំពោះអ្នកទាំងអស់គ្នាថាអំណររបស់ខ្ញុំជាអំណររបស់អ្នកទាំងអស់គ្នាដែរ។ 4ខ្ញុំបានសរសេរមកអ្នករាល់គ្នាទាំងស្រក់ទឹកភ្នែកដោយមានសេចក្ដីវេទនាជាច្រើននិងឈឺចាប់ក្នុងចិត្ដមិនមែនដើម្បីឲ្យអ្នករាល់គ្នាព្រួយទេគឺដើម្បីឲ្យអ្នករាល់គ្នាដឹងពីសេចក្ដីស្រលាញ់ដែលខ្ញុំមានយ៉ាងលើសលប់ចំពោះអ្នករាល់គ្នា។ 5ប៉ុន្ដែបើអ្នកណាម្នាក់ធ្វើឲ្យព្រួយអ្នកនោះមិនមែនធ្វើឲ្យខ្ញុំព្រួយទេប៉ុន្ដែឲ្យអ្នកទាំងអស់គ្នាព្រួយខ្លះគឺខ្ញុំមិនបំផ្លើសទេ 6ហើយការដាក់ទោសសម្រាប់មនុស្សបែបនេះពីមនុស្សភាគច្រើននោះល្មមហើយ 7ដូច្នេះអ្នករាល់គ្នាគួរលើកលែងទោសព្រមទាំងកម្សាន្ដចិត្ដគាត់វិញក្រែងលោការព្រួយចិត្ដហួសប្រមាណលេបយកអ្នកនោះទៅ 8ហេតុនេះខ្ញុំសូមដាស់តឿនអ្នករាល់គ្នាឲ្យបញ្ជាក់ពីសេចក្ដីស្រលាញ់ចំពោះគាត់។ 9ខ្ញុំក៏បានសរសេរសេចក្ដីនេះដើម្បីឲ្យខ្ញុំដឹងពីភាពស្មោះត្រង់របស់អ្នករាល់គ្នាថាតើអ្នករាល់គ្នាស្ដាប់បង្គាប់តាមគ្រប់បែបយ៉ាងដែរឬទេ 10បើអ្នករាល់គ្នាលើកលែងទោសរឿងអ្វីមួយឲ្យអ្នកណាម្នាក់ខ្ញុំក៏លើកលែងទោសឲ្យអ្នកនោះដែរហើយរឿងអ្វីមួយដែលខ្ញុំបានលើកលែងទោសហើយនោះបើខ្ញុំលើកលែងទោសរឿងអ្វីមួយមែនគឺខ្ញុំបានលើកលែងទោសដោយសារអ្នករាល់គ្នានៅចំពោះព្រះវត្តមានរបស់ព្រះគ្រិស្ដ 11ក្រែងលោអារក្សសាតាំងបោកប្រាស់យើងដ្បិតយើងមិនមែនមិនដឹងពីគំនិតរបស់វាទេ។ 12ពេលខ្ញុំទៅក្រុងទ្រអាសដើម្បីប្រកាសដំណឹងល្អអំពីព្រះគ្រិស្ដនោះព្រះអម្ចាស់បានបើកទ្វារឲ្យខ្ញុំ 13ប៉ុន្ដែខ្ញុំមិនមានភាពធូរស្បើយនៅក្នុងវិញ្ញាណរបស់ខ្ញុំសោះព្រោះមិនបានជួបលោកទីតុសជាបងប្អូនរបស់ខ្ញុំដូច្នេះខ្ញុំក៏លាពួកគេមកឯស្រុកម៉ាសេដូន។ 14ប៉ុន្ដែអរព្រះគុណព្រះជាម្ចាស់ដែលតែងតែនាំយើងចូលក្នុងក្បួនជ័យជម្នះរបស់ព្រះគ្រិស្ដជានិច្ចហើយព្រះអង្គសាយភាយក្លិនដែលនាំឲ្យស្គាល់ព្រះអង្គនៅគ្រប់ទីកន្លែងតាមរយៈយើង 15ព្រោះយើងជាក្លិនពិដោររបស់ព្រះគ្រិស្ដសម្រាប់ព្រះជាម្ចាស់ក្នុងចំណោមពួកអ្នកដែលទទួលបានសេចក្ដីសង្គ្រោះនិងពួកអ្នកដែលកំពុងវិនាស 16សម្រាប់ពួកអ្នកដែលកំពុងវិនាសយើងជាក្លិននៃសេចក្ដីស្លាប់ដែលនាំឲ្យស្លាប់ប៉ុន្ដែសម្រាប់ពួកអ្នកដែលទទួលបានសេចក្ដីសង្គ្រោះយើងជាក្លិននៃជីវិតដែលនាំឲ្យមានជីវិតតើអ្នកណាស័ក្ដិសមនឹងកិច្ចការទាំងនេះ? 17ដ្បិតយើងមិនដូចជាមនុស្សជាច្រើនដែលរកចំណេញពីព្រះបន្ទូលរបស់ព្រះជាម្ចាស់ទេប៉ុន្ដែយើងនិយាយដោយអស់ពីចិត្តនៅក្នុងព្រះគ្រិស្ដនៅចំពោះព្រះជាម្ចាស់ដូចជាអ្នកដែលព្រះជាម្ចាស់បានចាត់ឲ្យមក។
Copyright information for
KhmKCB